| Description |
Translation (Rita Seng Mai)
The title of the story I am going to tell you now is 'Two poor brothers.' Once upon a time, there were two brothers. One day, the younger brother said, "My elder brother, now is the time to spread seeds. What do you think? What shall we do?" Then their mother said, "My younger son, your elder brother is not as sharp as you. He will do as you say. You should lead him." The younger brother was smarter and more intelligent than the elder brother. Ma Naw, the younger brother, said to his mother, "Okay. Then I will tell him what to do." He then turned to his elder brother and said, "Brother, do as I say. Tomorrow we need to spread seeds and start planting in our fields. Since we cleaned our fields separately, let's plant different crops. I will plant millets in my field. You need to scrape the buffalo horn and spread it across your field tomorrow, so scrape it today." The next morning, the two brothers went to their fields. The horn powder was spread in the elder brother's field, while the younger brother planted millets in his field. When the harvest season came, the younger brother's millets were ready to be harvested. The younger brother asked his elder brother, "Millets are growing well in my field. They are ready to be harvested. What about your field? What is growing there?" The elder brother said, "My field is filled with something that makes a sound like 'nyawt.'" When the younger brother went there to see if it was true, he found many buffaloes in the field. He was jealous when he saw that his brother's field was full of buffaloes. Then he ground some rice to make powder. After he got some rice powder, he secretly went to his elder brother's field and applied it to the buffaloes. All the buffaloes turned white. Then he said to his elder brother, "My brother, all the white buffaloes from your field are mine. The black ones are yours." The number of white buffaloes was much greater than the number of black ones. When the younger brother took the white buffaloes, the elder brother felt frustrated and shouted at the sky, "Oh, Sky Deity, look at what is happening to me!" Surprisingly, the sky turned black, and heavy rain started pouring down. Then all the rice powder applied to the buffaloes was rinsed off, and the buffaloes returned to their original black color. The younger brother thought of another plan to get his elder brother's buffaloes. He said, "Elder brother, your sister-in-law has passed away. Let's go cut some wood to make a coffin for her. Let's go together." In fact, he was lying. Then they went into the forest and cut down a large tree. They made a coffin. After that, the younger brother said to his elder brother, "Brother, let's see if it fits your sister-in-law's body. Can you please lie down in it?" The elder brother said, "It should fit." But the younger brother insisted, "No, lie down in it. Let's see if it fits. If it's too small, we will need to make it bigger." He kept asking his elder brother to lie down in the coffin. In the end, the elder brother had no choice but to lie down. As soon as the elder brother lay down, the younger brother closed the coffin and tied it with some vines he had secretly brought. And he went back home. The elder brother, who was inside the coffin, kicked the lid to get out. He had been kicking it the whole afternoon. In the end, the vines broke, and he was finally able to get out. He was frustrated by how his younger brother had treated him. Therefore, he thought of a plan to teach his younger brother a lesson. He said, "My younger brother, your sister-in-law has passed away. Let's go cut down some trees to make a coffin for her." The younger brother refused his elder brother's request. He said, "My elder brother, ask someone else. I am busy. I can't go with you." But the elder brother said, "No. Help me. Come with me to cut down the trees." Then the younger brother had to help the elder brother. The elder brother decided to treat his younger brother the same way. He said, "Let's see if it fits for your sister-in-law. Lie down in it. I think your body is about the same size as your sister-in-law's." The younger brother refused to lie inside it. However, the elder brother kept asking him to do so. Then, the younger brother had to lie down inside it. As soon as the younger brother was inside the coffin, the elder brother closed the lid and tied it tightly with vines. The vines were so strong that the younger brother was unable to kick the lid open. The next morning, the elder brother went there again. He brought some people to help him. Then they hung the coffin from a tree growing at the top of the waterfall. And they went back home. The elder brother said to the squirrel, "Squirrel, go to the tree near the waterfall. There is a coffin hanging there. Go check if the person inside is dead or alive." But the squirrel misheard him. It understood that it should cut the vine tying the coffin to the tree, instead of realizing that the man wanted it to go check inside. It spent the whole day and night cutting the vines that tied the coffin to the tree. The next morning, it finally managed to cut the vine. They fell into the waterfall. The younger brother inside the coffin died after falling into the waterfall and became the "Gaw Sa" nat. We still make offerings to the Gaw Sa nat to this day. That nat was the spirit of the younger brother who died inside the coffin after falling into the waterfall. He became the Gaw Sa nat after he died from falling into a deep place. The Gaw Sa nat does not exist in the plains. The Gaw Sa nat exists only in places such as ravines and canyons.
Transcription (La Ring)
Ya ngai hkai na maumwi gabaw gaw la kasha shan nau a lam ngu ai re. Moi da ndai la kasha lahkawng nga ai ndai shan nu ni nga ai da. Rai yang she lani mi na aten hta gaw n dai la kasha Kanau wa gaw Kahpu wa hpe e "E hpu e ya nli nai li gat ten rai sai le nang gara hku myit ai rai" ngu na san ai shaloi Kanu gaw "E na nhpu gaw nang sha nwoi galaw yang gaw shi gaw nang daram nkung ai nzet ai re majaw nang gara hku nga yang gara hku nang woi galaw ai hku shi hkan galaw nang na she re gaw shi hpe gaw hkum san nu, nang mahtang she woi ladat shaw nna woi galaw u" ngu na Kanu dai hku tsun dat ai da. Rai jang she e Kanau gaw Kahpu hta loi mi grau kung Kahpu gaw loi mi kachyi mi nau nkung nkung dai hku re rai yan nau re da. Dan rai na Kanu gaw dai hku Manaw wa hpe dai hku tsun dat jang she Manaw wa gaw kaja wa she "E e deng gaw ngai woi galaw na re ngai tsun ai hku hkan galaw yaw Hpu nang gaw" ngu na she rai yang gaw hpawtni gaw an nau yi de nli nai li sa gat sa hkai na rai sai. Dai majaw ngai gaw ya an nau na yi mung kaga ga hkyen da ai re majaw ngai gaw nye yi kaw gaw shagyi sa gat hkai na, e Hpu nang gaw nga rung dingsa ahkut da, hpawtni nang na yi kaw gaw nga rung dingsa ahkut la nna sa gat na re. Nang gaw daini nga rung dingsa ahkut da u yaw" ngu na she Kahpu hpe gaw nga rung dingsa ahkut da shangun rai she hpang jahpawt du sai da kaja wa shan nau gaw Kahpu a yi kaw gaw nga rung dingsa ahkut gahkyin da ai sa gat, Kanu shi yi kaw gaw shagyi sa gat di na woi galaw sai da. Ya.. ndai mangai bai du wa re shaloi gaw ndai shagyi gat ai kanau na yi kaw gaw shagyi ni grai tu nna shagyi ni pyi myin wa sai da. Rai yang she Kahpu hpe san ai da Kanau wa gaw "Ya ngai na yi kaw gaw shagyi ni grai tu tsawm nna pyi myin wa sai, ya Hpu nang na yi gaw gara hku rai, hpabaw ni tu ai rai" ngu tsun jang she Kahpu gaw "E ngai na yi kaw gaw nyawt nyawt ni hkrai hpring tup re" ngu na tsun ai da. Kaja wa Kahpu a yi kaw gaw ohh.. nga wu loi wa yi tup rai na nga wu loi sumpum sumpam dai hku na yi tup nga wu loi hpring ai da. Dan nga jang she Kanau wa gaw Kahpu a yi kaw gaw nga wa, anga hkrai hkrai hpring tup re nga jang she ndai Kanau wa gaw bai manawn wa sai da. Manawn rai na she shi gaw ndai n-gu shadung rin la da. N-gu bye mi shadung rin la nna she hka hte bai gayau rai nna Kahpu na yi kaw na nga nkau mi malawng maga hpe she shi gaw dai n-gu shadung hka hte gayau la nna dai sa chya hkum ting dai sa chya jang she nga ni gaw nga hpraw ai mat ai da. Dai shadung shachya ai nga ni gaw nga ahpraw tai mat rai jang she Kahpu hpe gaw ning bai ngu sai da. "E Hpu, na yi kaw na dai nga hpraw, ahpraw hpraw re dai ni gaw ngai na she re yaw, dai achyang chyang re gaw nang na re" ngu na she Kahpu hpe dai hku ngu yang gaw hpraw ai she grau bai law taw nga ai da. Dan rai na she Kahpu gaw Kanau malawng maga ting dai hku jahpraw la kau ya jang she Kahpu gaw grai myit npyaw na she "Lamu e, aga e yu u lo chye ya rit lo" ngu Kahpu gaw dai hku marawn sai da. Marawn dat jang she kaja wa lamu ni sin wa rai na she marang kaba aging htu ai da. Marang kaba aging htu jang she dai Kanau wa e shadung hte chya jahpraw da ai nga dai ni gaw marang e htu e shatun nna she yawng.. marang e agre shatsai kau ya jang gaw yawng achyang hkrai bai byin mat sai da. Dan rai jang Kanau wa gaw kalang bai nyan sai da. Kahpu hpe she "E hpu e ningnam wa si mat sai lo dai majaw nam de e ndai ningnam hpe e hpai lup na du-u naw sa daw ga, "Nang ngai kaw naw hkan nang rit" ngu na she Kahpu hpe dai hku woi masu mat wa na she nam kaw kaja wa hpun kaba sa kran sai da shan hpu. Sa kran nna she du-u krawk sai da. Du-u bai krawk krawk rai jang gaw krawk ram sai i nga jang she Kahpu hpe she "E Hpu e, nang ndai ningnam jan a mang bang yang ram na kun nram na kun Hpu nang she shang galeng chyam yu u" ngu na Kahpu hpe dai hku tsun yang she Kahpu gaw "Ram na sai le" nga tim "Nre lo she shang rawng yu lo shang rawng chyam yu lo kaji jang gaw bai krawk jat rai na re" ngu na she Kahpu hpe gaw du-u kaw "Rawng chyam yu, galeng chyam yu" hkrai hkrai ngu nna galeng chyam shangun nna Kahpu gaw kaja wa shang galeng chyam yu jang she, kalang ta Kahpu hpe ndai du-u magap hte htep di na du-u kaw e magap bang kau na she numru ni hte shi gaw numru ni mung lagu gawng tawn ai da. Dai she kalang ta numru hte ahkang nna she dai hku du-u kaw dai hku bang kau da ai da. Rai yang gaw bang kau da nna shi gaw wa mat rai Kahpu gaw du-u kata kaw nna she shind dit hkrai shing dit, shing dit hkrai shing dit, grai na hkra shing dit shani tup shing dit yang gaw dai numru gaw katsing re nga yang she shani tup shing dit jang she numru ni gaw di mat rai na she Kahpu gaw bai lu pru wa sai da. Bai lu pru wa rai yang gaw, ndai Kahpu gaw Kanau e shi hpe dai hku nyan ai hpe shi mung nra nna she lani mi gaw Kanau hpe ndai Kahpu wa gaw bai nyan sai da. "E.. Kanau e ningrat wa si mat nga lo an hpu ningrat hpe e lup makoi na nam de du-u naw sa daw ga" ngu nna Kanau hpe mung dai hku bai ngu sai da. Dai hku ngu rai she Kanau gaw nhkraw ai da "E.. Hpu e manang kaga she saw la su law ngai nrau ai, ngai nlu sa ai" nga na dai hku tsun timung, "Nre lo she hkan nang rit lo nang hte nan she sa daw ga lo" ngu na dai hku saw jang bai hkan nang sai da Kanau mung. Hkan nang nna nam kaw e du-u bai sa daw rai yang gaw kaja wa Kahpu mung Kanau e shi hpe di ai zawn zawn di nna she "Kanau e ndai ningrat hpe hta bang yang ram na kun nram na kun nang naw shang galeng chyam yu u" na ningrat hte na hkum hkrang gaw bung na rai mawt ai nang shang galeng chyam yu u ngu tim Kanau gaw nhkraw ai da. Nhkraw tim dai hku tsun hkrai tsun nga jang she kaja wa shang galeng chyam ai hte Kahpu gaw numrau manai da ai numrau pali manu mana ngang ai dai mung lagu galaw tawn rai na she du-u mung ndai magap dat ai hte kalang ta hkrup chya re ai baw hka di na dai hku galaw ai da Kahpu gaw. Rai she Kanau shang galeng dat ai hte shi mung kalang ta magap htep di na she hkrup chya rai mat dai kaw she ndai numrau pali sumri hte bai aging hkang hkrai hkang hkang hkrai hkang na she Kanau hpe dai hku bai di kau da sai da. Rai yang gaw Kanau gaw ndai marau sumri ngu gaw ndai pali lasa hte manai ai re majaw grai ngang ai rai nga. Dai majaw Kanau mung grai gaw shing dit ai raitim nlu shing dit hpaw ai da. Kahpu gaw e hpang jahpawt sa yu ai da. Sa yu na she shi gaw htaw.. rum..hka rum makau na hpun kaw e manang mung saw sa di na she Kanau hpe gaw du-u hte nawng dai hka rum ntsa hka rum makau kaw tu ai hpun kaw e du-hte hpawn di na sa gyit noi kau da ai da. Sa gyit noi kau da rai na she bai wa mat yang, kadu hka hpe bai shangun dat ai da dai Kahpu wa gaw. "Kadu hka, nang wo.. ra hka rum makau na hpun kaw e du-u noi da ai dai kaw e dai masha dai si kun nsi kun sa masem sa maram yu su" ngu na kadu hka hpe dat dat ai wa she kadu hka gaw si nsi sa hkrawk hkrak chyam yu su ngu ai hpe she shi gaw du-u dai gyit da ai hpe sa kawa di su ngu ai hku na na shut kau ai da. Rai na she shani tup, shana tup um.. dai kadu hka gaw du-u gyit noi ai pali dai kawa hkrai kawa, kawa hkrai kawa rai jang she shana tup kawa jang she hpang jahpawt rai yang gaw kawa di kau da. Kawa di kau na she dai hka rum de e du-u hte nawng dai di hkrat bang mat wa ai da. Dan na she dai e la dai gaw dai kaw e du-u kaw rawng nna dai hku hkrat si mat rai yang gaw ndai dai la wa gaw ndai "Gaw Sa nat" ngu ai nat tai m at ai da. Dai majaw daini du hkra ndai anhte Wunpawng sha ni ndai "Gaw Sa nat" ngu ai hpe jaw jau ai gaw ndai Kanau, ndai la shan hpu ndai Kanau wa dai hku hka rum ntsa kaw e dai hku du-u nawng hkrat si mat ai dai wa re ai da. Dai wa hpe e "Gaw Sa nat" ngu na jaw ai. Ndai "Gaw Sa nat" ngu ai gaw ndai shi gaw le.. rum ahkrung sinwa de e hkrat bang si mat nna ndai "Gaw Sa nat" tai ai re majaw ndai pa shara ra ai kawng hkan e layang hkan e gaw nnga ai da ndai "Gaw Sa nat" ngu gaw. Le.. akrung sung sai i sung sai nga krung hkaraw sinwa hkan e she ndai "Gaw Sa nat" ngu ai gaw daini du hkra dai hku nga mat ai re da. |
