| Description |
Translation (Rita Seng Mai)
There is a story that the Jinghpaw people often tell about the laws and rules that we need to follow, whether in the family or in a country. This story is about treating the children of the first wife and the mistress differently. Once upon a time, there was a family in a village. In the past, the Jinghpaw people used to say that if a family didn't have three sons and three daughters, it was not considered a successful family. Or, it could also be that the man's first wife passed away, so he remarried. Then, the man's first wife passed away, and he was left with a son. Later, he married again. The second wife didn't like the first wife's son because he was not her biological son. She only took care of her biological child. She didn't care about him at all and didn't feed him well. One day, the father and his son from the first wife went hunting and caught a boar. Then the second wife and her biological son followed them and prepared to carry it back home. Then she said to the boy of the first wife, "If you make a sound like 'Ka', this meat will go sour. If you make a sound like 'Hwi', the meat will be bitter. Don't make any sounds or say you are tired." Then they cut down a tree to use as a yoke to carry the boar. The two boys tied the boar's legs together and hung it on the tree trunk they had cut. The stepmother trimmed the tree trunk smoothly on the side carried by her biological son and made it rough on the side carried by her husband's son. Then the two boys carried it on the way home. Her biological son didn't make any sound because the side of the trunk he carried was smooth and didn't cause him any pain. It was painful for the first wife's son because there were some spikes on his side of the trunk. Then he made a sound 'Aka'. He said, "I can't carry it." She scolded him, "I told you not to make any sound! If you make a sound like 'Ka', the meat will go sour. If you make a sound like 'Hwi', the meat will be bitter!" He said, "Let's change the position. Let's roll it around." However, she made the boy carry the spiky end. Later, they arrived home. The stepmother cooked bitter heart-leaved moonseed vine and sour Garcinia cambogia fruit. And she ordered her stepson to fetch some water. She told him to carry a basket full of water. But she secretly made holes in the bottom of the basket. The boy fetched water with that basket, so it couldn't be filled. He was scared that she might beat him or scold him. The egret saw him and said, "Fetching water, making the water overflow," and flew toward the upriver area. The boy was getting frustrated because the basket couldn't be filled with water, no matter how hard he tried. Then, when he heard the bird, he got annoyed and caught it. However, he was taking too long to fetch water. Meanwhile, the stepmother cooked bitter heart-leaved moonseed vine and sour Garcinia cambogia fruit and left it for him. She sold some of the meat and cooked the rest for her family. They enjoyed the pork, but left nothing for the boy. She called the boy to come back and acted as if she treated him warmly. She said to him, "This is your meal." He tried the meat and said, "Oh, it is sour." She blamed him, "It's because you said 'Ka'. That's why the meat is sour." He tried another bite and said, "It's bitter." She said, "You said 'Hwi'. That's why the meat is bitter." We still have the egrets that are mentioned in this story. The tree they cut is called the "Wa Hpai" tree, which has spikes on the lower part and no spikes on the upper part. We said we wouldn't talk about the law and rules, but we ended up talking about it. The boy had to eat only those sour and bitter foods in the end. The mother did not treat the children fairly. This story is about how rules and treatment in a family are carried out. Let's just say it is about rules. This is the end of the story.
Transcription (La Ring)
E dinghku kata hta raitim, mung kata hta raitim nang up hkang masa hte seng ai ngu ga le i maumwi langai mi anhte Jinghpaw myu sha ni hkai ai maumwi langai mi nga ai. Ndai maumwi gaw num kaba hte num kaji jan a kashu kasha hpe e ginhka, garan ginhka ai lam maumwi re. Moi... mare langai mi hta e da e.. htinggaw langai mi nga ai...da. Nga.. rai yang gaw e dai htinggaw dinghku la wa gaw e moi na anhte Jinghpaw ni hkai e, labau hta gaw gam masum, kaw masum sha nlu yang la njet ai nga baw le i, dai baw mung she nrai na dawng, shing nrai tinang shawng jan n nga mat ai majaw bai hpang jan la ai hku dai hku mung she nre dawng. E.. mabyin chyawm dai hku re da. E.. mare langai kaw e la langai gaw shawng jan la... re ai hpang e, shawng jan nnga mat ai hpang shadang sha gaw nga rai nna hpang num bai la ai da. Hpang num la rai yang gaw e hpang num jan gaw nau nhkrak na hku rai nga. Tinang nshang hkrat ma hpe kasha hpe she grau ra ai hku rai nga, shawng kana ngu na shawng jan na kasha hpe gaw nau nra ai hku rai nga. Nra rai yang gaw dai ma hpe gaw atsawm lu sha gawn ai lam hta e atsawm shi hpe e jaw lu jaw sha ai lam atsawm di nmayu ai da. Rai yang gaw lani mi na nhtoi hta gaw dai kawa hte e kasha e.. le.. jaugawng gawng sa ai kaw e wa langai mi gap ai da. Gap.. re yang gaw e kawa gaw ngam da nna dai kanu hte e kasha hte e shawng na kasha sa wa ai da. Sa wa.. rai yang gaw e.. kasha hpe e "Dai... "Ka" nga jang gaw shan hkri ai,.. "Hwi... nga jang gaw shan hkup ai... ngu nna, "Ka" mung hkum nga, "Hwi" mung hkum nga, ba ai mung hkum nga" ngu nna shawng na la kasha hpe e dan ngu ai...da. Dan ngu rai yang gaw kaja wa le.. shan de du rai yang gaw shan dai hpe e hpai na matu hpun langai mi hpya ai da. Hpya nna wa lagaw ni hkang shajup la rai nna shan daw ai hpun dang kan dai mai tsan kaw na ngup de du hkra hkren di na hpai ai da. Hpai yang gaw e.. kasha shi a kasha hpai na maga de gaw atsawm kre, atsawm hpya da shi a shawng jan na kasha hpai na kaw gaw nhpya, dai hku machyut marut rai i machyut marut tawn da di ai da. Di.. yang gaw kaja wa saw.. hpai ga nga na hpai ai da. Hpai yang gaw wo ra ndai shi na kasha gaw hpa nnga ai shi hpai ai maga gaw pyaw ai le i hpya da ai majaw manyen ai majaw pyaw ai. Wo ra nhpya da ai shawng jan a kasha kaw gaw e shamu nngut ai, anhte nang ga kaw gaw nmanu ai hpe kading ai nga le i zut ai le. Zut ai le kading ai nga "Aka" nga dai ju e ju yang gaw "Aka" nga. "Ah.. nngut a" nga yang gaw "Ah.. nngut gaw nre, nang hpe "Ka" nga yang gaw shan hkup ai, "Ahwi" nga jang shan hkri ai ngu sai lu, nmai lu" ngu da. Rai yang gaw "Ah.. naw lai saga, lai saga dai yang gaw nang bai kayin di hpai saga" nga na hku rai nga. Kayin di hpai ga nga jang yin yin yin di na mi na shara kaw nan rai nhpya ai dai kaw nan galai ya masu rai na dai hpya ai maga gaw shi a kasha maga chyu sha-ang, ang rai na tsam mari she nta du wa ai da. Nta du rai yang gaw kanu gaw e shawng e shi Lakang ngu ai moi gaw anhte Jinghpaw myu sha ni ya nam kaw nga le Lakang ngu ai npa shachyat ai baw, ndai baw gaw hkup ai rai nga. Shanyi si ngu ai gaw ya grai hkri ai le i shanyi si ndai ni la nna shanyi si hpe shadu.. lakang hpe shadu di na she ndai "Ka" nga ai dai hpe gaw hka ja sa shangun ai da. Hka tup hkra ja wa yaw.. ngu nna hka ja sa shangun ai. Dai.. dai hpe e hka ja sa shangun yang gaw hka dai gaw htumpa de waw kau ai. Waw kau ai majaw gara hku ja tim nhpring hkraw, dai ma gaw ja tik tik ja tik tik, kade hpring kade ya dai hku jahpring la di wa yang mung bai kanu gayet na hpe tsang, daru na hpe tsang rai na nga na hku rai nga. Nga.. rai yang gaw ya e hkashi hkan nga ai le i ya anhte nang kaw gaw hka sen u nga, "Hka sen sen hkanam dabang hkyen" nga na hkahku kaw na hkanam de pyen "Hka sen sen hkanam dabang hkyen" nga na hkahku de bai pyen rai na hku rai nga. Rai yang gaw dai ma jahkrai ngu ga le dai kaw ja di kade... ja tim nhpring hkraw.. hkraw majaw e ndai u hpe shachyut ai hku rai nga. U hpe shachyut u dai gaw nlu pyen mat, rai hpang jahtum gaw shi na hka htumpa baw chyalu le i kanu ja shangun ai ndai na yang she htawra lakang ngu ai ni shanyi si ngu ai ni shadu nna laksan tawn da ya ai hku rai nga. Rai yang gaw shanhte nta masha ni gaw kanu e mu mu mai mai wa shan yawng.. dut na ni dut shadu sha na ni sha, yawng ma sai nnga sai dai majaw ya hpang jahtum.. gaw ma dai gaw gara hku mung nre majaw wa rit... wa ai hku nga. Wa yang gaw kanu mung atsawm akawm galaw na ni yawng ngut sai le i, dai majaw atsawm akawm hkalum la nna "Na shi shat ni dai kaw nga ai yaw" ngu na dung di nga hku rai nga. Nga yang gaw shanyi si "Gai.. nang hkri ai nga, nang "Ka" hkum nga ngu e "U hwi" hkum nga ngu, ba ai "U hwi" nga gaw ba ai le i dai yang hkup ai ngu nre i, "Dai nang dan nga na hkup ai re".. ngu nna kasha hpe dai hku jaw ai hku rai nga. Rai yang gaw ya dai na htam masat gaw u gaw ya hka sen u ngu ya daini du hkra nga ai rai nga maumwi dai na dai hpe madi ai le i. Ya dai wa hpai hpun ngu ai ya gaw ya anhte nang hkan gaw nbung ju hpun ngu le nhpang maga gaw ju tu ai, htaw ndung de gaw ju ntu ai. Ndai gaw kanu nkaja ai kanu i hpang jan shawng jan na daini na ya anhte mung upadi hkrai jahta tim i "Ya lai ga lai ga nga tim mi na hku bai yin" "Lai ga lai ga gaw nga na mi na hku bai nhtang yin" rai na grau grau she i dai wo ra gaw nhkam jan lu hkra hpang jahtum shan hpe e sha na ngu yang mung hkri ai hkup ai she hkrum sha ai le i. Dan re ai re da dai gaw ndai daini e nang hpareng hparan ai up hkang ai lam, e tengman ai hku n-up hkang ai e wo ra masu jahpai ai amyu myu di nna e ning re ai maumwi ndai gaw daini up hkang ai masha hte up hkang ai ngu ga le i. Dai hku maumwi gaw dai kaw e htum sai. |
